"Төреғалидан кейін 10 жыл күттік": Фариза Төреәлінің әкесі қызының туған күнінде ерекше жазба жариялады
Танымал продюсер, мега жұлдыз Төреғали Төреәлінің әкесі қызы Фаризаны туған күнімен ерекше құттықтады. Бұл туралы Stan.kz ақпарат агенттігі хабарлайды.
Фото: https://www.instagram.com/farizatoreali/
Өнерлі отбасының мүшесі, блогер Фариза Төреәлі 23 жасқа толды. Әкесі видео құттықтау жасау үшін арнайы Астана опера және балет театрына барған.
“Бүгін Алланың бере салғаны, Төреғали Төреәліден кейінгі қанша жыл күтіп, армандап, тілеп алған қызымның туған күні. "Жалғызды жалғыз деме, жалғасы болмас" деп жатады. Сол себепті жалғыз деп айтып көрмегенбіз. "Төреғалиға іні немесе қарындас бер" деп сұрағанбыз. Алланың қалауымен сан жылдар күткеннен кейін Фариза деген қызымыз өмірге келді. Соның алдында анамыз өмірден қайтқан. Содан "бір қайғының артынан мың қуаныш" демекші, үлкен бір қуаныш болып, көңілімізді жұбатып, Фариза перзентіміз дүние есігін ашты", – деді әкесі.
Сондай-ақ туған күн иесі анасына да рақмет айтып, жарық дүние сыйлағаны үшін жыл сайын сыйлық беретінін көрсетті.
“Оқушы кезімнен бастап әр туған күнімде анама сыйлық жасап тұрамын. Жарық дүние сыйлағаны үшін, тоғыз ай құрсағында көтергені үшін... Ал енді өзім ана болып оның машақатын, дүниеге бала әкелу оңай емес екенін одан әрі сезіндім. Ата-анама өмір сыйлағаны үшін рақмет айтамын", – деп жазды блогер.
Еске салайық, желі жұлдызы жаңа жасын Париж қаласында қарсы алды.