Тазалық әрқайсымыздан басталады: Теміртау жастары экологиялық акцияға қатысты

Теміртауда “Таза Қазақстан” жалпыұлттық бағдарламасы аясындағы игі бастамалар жалғасуда. Бұл жолы қала жастары, волонтерлер мен экобелсенділер жағалау аумағына шығып, айналаны тазалап қана қоймай, экологиялық акцияны тартысты әрі тағылымды сайысқа айналдырды.

“Таза Қазақстан” – қоршаған ортаны тазалаумен ғана шектелмейтін, табиғатқа жанашырлық пен жауапкершілікті әр адамның күнделікті өмір салтына айналдыруды көздейтін бастама. “Таза ойындар” акциясы арқылы жастарды бірлікке, белсенділікке және туған қаласының тазалығына өз үлесін қосуға шақырамыз. Таза орта әрқайсымыздан басталады!”, – деді Jasyl El ұйымының үйлестірушісі Мирас Яуда. 

Акцияға қатысушылардың пікірінше, қаланың тазалығы тек сенбіліктер мен бір реттік экологиялық шараларға тәуелді болмауы керек. Ол әр адамның күнделікті қарапайым әрекетінен басталады: қоқыс тастамау, қалдықтарды сұрыптау, табиғи аумақтарға ұқыпты қарау және туған қаланың тазалығына бейжай қарамау.