Бұл Қаскелең қаласында болған. Түннің бір уағында Айжан Сырғабаеваны мас күйдегі күйеуінің ағасы зорламақ болған. Ол қарсылық танытқан бойда ер адам ашуланып, оны ұрып-соға бастаған. Әйел көмек сұрап аулаға жүгіріп, туыстарына барса, одан да үлкен агрессияға тап болған. Қайын ағасының ұлы әйелді қорғаудың орнына қоймай, ол да келіншекті қатты ұра бастаған.

“Шашымнан тартты. Баласы ұрды. Күйеуім бұл уақытта жұмыста еді, қайтып келген кезде “Өліп қалсаң, әкеңнің жанына жерлеймін” деді. Қазір балаларым не болғанын білмеймін. Тамақтары тоқ па, сабақтарына барды ма екен.. Қайын ағам балаларымның шалбарын шешім, сүйетін, енем осылай махаббатын білдіреді деп айтатын”, –жәбірленуші дейді Айжан.

Туыстары жедел жәрдемді Айжаның жағдайы нашар екенін түсінгенде бір-ақ шақырған.

Шымкентте әйел өзінің 6 жасар қызын зорламақ болған бұрынғы күйеуін пышақтап тастады

ШҚО-да ер адам бұрын азаматтық некеде болған әйелін орманға апарып, екі күн бойы қинап, зорлаған

Айжанның көкбауырын толықтай алып тастаған.

Әйелдің қорғаушысы Айман Омарова полиция қызметкерлері неліктен тек ер адамның ұлын ұстағанына таң. Оқиғаға кінәлі қайын ағасы бостандықта жүр.

“ҚР ҚК-нің 120 бабы 1 бөлімі “Зорлауға әрекеттену” бойынша іс тіркелмеген. Бұл жерде балаларға қатысты зорлық әрекеттері бар деп ойлаймыз. Бұл фактілер жасырылуда”, – дейді адвокат.

Айжанның үлкен баласы 14-те, кішкентайы бір жарым жаста, алты баланың төртеуі мектепте оқиды. Уақытша тергеу изоляторында қазір әйелдің тек бір туысы ғана. Ол денсаулыққа қасақана ауыр зиян келтіру бабы бойынша қылмыстық жауапкершілікке тартылуы мүмкін.

Еске салсақ, Қарасай ауданында қайын ағасы 6 баланың анасын зорламақ болып, ұрып-соққаны туралы хабарлаған едік. "Аталған факт Қылмыстық кодекстің 106-бабының 1-бөлімінде (Денсаулыққа қасақана ауыр зиян келтіру) көзделген қылмыстық құқық бұзушылық белгілері бойынша Қарасай ауданының полиция бөлімінде тіркелді.

Талқылау