Көкшетауда полицейлер қылмыстық істі жабу үшін 50 мың доллар көлемінде пара алған
Сыбайлас жемқорлыққа қарсы іс-қимыл агенттігі Көкшетау полицейлеріне қатысты тергеу бастады. Полицейлер қылмыстық істі жабуға уәде бергені үшін 50 мың доллар көлемінде пара алды деген күдікке ілінген, деп хабарлайды Stan.kz ақпарат агенттігі.
Сыбайлас жемқорлыққа қарсы қызмет Көкшетау қаласы полиция басқармасының лауазымды тұлғаларына қатысты басқа органның іс жүргізуінде жатқан қылмыстық істі тоқтатқаны үшін кәсіпкерден 50 мың АҚШ доллары сомасында ақша қаражатын алу дерегі бойынша сотқа дейінгі тергеу бастады.
“2022 жылдың 8 шілдесінде жүргізілген жедел-тергеу іс-шараларының нәтижесі бойынша Қылмыстық-процессуалдық кодекстің 128-бабы тәртібінде Көкшетау қаласы полиция басқармасы бастығының орынбасары ұсталды”, – делінген хабарламада.
9 шілдеде Көкшетау қаласының тергеу соты күдіктіге қатысты "күзетпен ұстау" түріндегі бұлтартпау шарасын санкциялады.
Қазіргі уақытта сотқа дейінгі тергеу жүріп жатыр. Тергеу мүддесінде өзге ақпарат жария етуге жатпайды.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі
Қазақстан әуежайлары қандай заңдарды бұзды және бұл үшін оларды қалай жазалады
Көптеген әуежай авиаотынды монополиялық жоғары бағада сату арқылы миллиондаған табыс тапқан