Қарағанды облысында әйелді ағаш басып қалған
Қарағанды облысында 4 маусымда дауыл соғып, ғимараттардың, көліктердің және басқа да нысандардың шатырлары зақымданған және Абай қаласында әйелдің үстіне ағаш құлаған, деп хабарлайды Stan.kz ақпарат агенттігі.
Куәгерлердің айтуынша, жел тұрып, ағаш құлай бастағанда жергілікті тұрғын балаларды құтқаруға асығып, оларды қауіпті жерден әкеткен. Бірақ өзі қашып үлгермеген. Әйел аяғын жарақаттап, көптеген гематомаларды алған. Ағаш жақын жерде тұрған көлікті де соққан. Оқиға қаланың екінші ауданында болған.
Қала әкімдігі болған оқиғаға жергілікті тұрғындар мен ҚСК жауапты екенін хабарлады.
Сондай-ақ Абай қаласында 3-шағын ауданда No10 үйдің маңында дауыл салдарынан тоқтап тұрған көліктердің үстіне металл профильді қаңылтырдың бөліктері құлаған.
Теміртауда 4 маусым күні сағат 20:30 шамасында қатты желдің салдарынан Республика даңғылы 73 бойындағы No9 мектеп-лицейдің шатыры ұшып кетті. Зардап шеккендер жоқ. Әкімдік жазғы кезеңде қалпына келтіру жұмыстары жүргізілетінін хабарлады.
Қарағанды облысының төтенше жағдайлар департаменті 4 маусымда күшейген желден тұрғындар арасында қаза болғандар жоқ деп хабарлады.