Футбол алаңында ойнап жүрген 18 оқушыға найзағай түсті
Жапонияда матч кезінде футбол алаңында жүрген 18 оқушыға найзағай түсті. Бұл туралы Stan.kz ақпарат агенттігі Metro басылымына сілтеме жасап хабарлайды.
Қайғылы жағдай 3 сәуірде Миядзаки қаласында университет аумағындағы футбол алағында болған. Екі мектептің оқушылары бұл кезде футбол ойнап жүрген.
Салдарынан 18 оқушы түрлі жарақат алып, ауруханаға жеткізілді. Екі баланың жүрегі тоқтап қалған, қуанышқа орай дәрігерлер оларды құтқарып қалды. Бұған дейін Жапонияның метеорологиялық бюросы найзағай жөнінде ескерту жариялаған екен.
Оқыс жағдай Тайвань аумағында болған жер сілкінісінен бірнеше сағат өткен соң орын алыпты. Кейін Окинава префектурасында 3 метрлік цунами көтерілді.
"TikTok арқылы жарын жолықтырып, заңгерден әншілікке өткен": Желіде танымал болған қазақстандықтар қалай жетістікке жеткенін айтып берді
Рамазан айы басталып, Ұлттық қордан балаларға ақша түседі: Ақпаннан бастап Қазақстанда қандай өзгерістер болады?
Отбасы банк тұрғын үй кезегінде тұрған азаматтарға қатысты талаптарды жұмсартты