Енді Apple компаниясы ұрланған бөлшектері бар iPhone телефондарын бұғаттайды
Apple компаниясы ұрланған бөлшектер орнатылған iPhone телефондарын бұғаттап тастамақ. Жаңа мүмкіндік 16 қыркүйекте шығаруға жоспарланған iOS 18 жүйесіне енгізіледі. Бұл туралы Stan.kz ақпарат агенттігі Forbes басылымына сілтеме жасап хабарлайды.
iPhone компоненттерінің сериялық нөмірлері туралы ақпарат батареялар, камералар мен экрандарға пайдаланушы тіркелгісімен байланыстырылады.
Егер жөнделген құрылғыны қосқан кезде ол жаңа бөлік Activation Lock немесе Lost Mode функцияларына қосылған iPhone құрылғысынан алынғанын анықтаса, пайдаланушыға оның құлпын ашу үшін құпия сөзді енгізу қажет болады.
iOS 18 жаңа iPhone 16 сериялы үлгілеріне алдын ала орнатылады. Олардың сатылымы 20 қыркүйекте басталады.
Айта кетейік, бұған дейін 9 қыркүйекте Apple iPhone 16-ны ұсынған еді. Гаджет жаңа A18 процессорына ие. Компанияның мәлімдеуінше, бұл алдыңғы буын смартфондарының процессорынан 30% жылдамырақ.
"Макияж жасаса, күйеулері де ажырата алмайды": Егіз ағайындыға тұрмысқа шыққан егіз қыздар өмірлері туралы айтты
Екі отбасы “біздің өміріміз басқаларға қызық көрінуі мүмкін, бірақ біз үшін бұл қалыпты жағдай” дейді
"101 раушан, көлік, телефон мен жеке мобилограф": Түлектердің бітіру кешінде алған қымбат сыйлықтары қазақстандықтардың талқысына түсті
Тұрғын: “Гүл беруден жарыс па? Жұрттан қалмасын деп, қарыз алып та жатқан шығар”