Денистің туыстары жерлеу рәсімін лайықты түрде өткізуді сұрайды
Денистің ағасы қазақстандық спортшыға құрмет көрсетіп, оны соңғы сапарына лайықты түрде шығарып салуды сұрады, деп хабарлайды Stan.kz ақпараттық агенттігі Қазақпаратқа сілтеме жасап.
«Денис өмірден озды. Ол менің інім ғана емес, мемлекетімізді әлемге танытқан ұлы спортшы. Ертең сағат 10-да Балуан Шолақ атындағы спорт сарайында қоштасу рәсімі өтеді. Оны соңғы сапарына лайықты түрде шығарып салуымыз қажет. Ертең бәрі дұрыс өтсін деген туған-туыстарының өтініші. Кез келген төтенше жағдай немесе түсініспеушіліктердің болғаны орынсыз», – дейді Денис Теннің ағасы.
Айта кетейік, 19 шілде күні Алматыда қазақстандық мәнерлеп сырғанаушы Денис Тенді белгісіз біреулер пышақтап кетті. Артынша оның қайтыс болғаны ресми түрде хабарланды.
Stan.kz сайтын Telegram арқылы оқыңыз. Арнамызға жазылыңыз.
Талқылау