Шымкентте мопед мінген курьер қоршауға соғылып, қаза болды
Шымкентте 26 сәуір күні таңғы сағат 4:30 шамасында курьер жол апатынан қаза болды. Бұл туралы Stan.kz ақпарат агенттігі хабарлайды.
Желтоқсан көшесінің бойымен келе жатқан мопед жүргізушісі рөлге ие бола алмай, жеке тұрғын үйдің темір қоршауына соғысқан.
Оқиға салдарынан ер адам жедел жәрдем келгенше сол жерде жан тапсырған.
Полицейлер оқиғаның мән-жайын анықтауда.
"Бұл факті бойынша сот-медициналық сараптама тағайындалды", - деләнген хабарламада.
Айта кетейік, бұған дейін Алматыда полиция қызмет көлігінің жолдың қарама-қарсы бағытына кенет бұрылып, мопед жүргізушісін қағып кеткені туралы жазған едік. Оқиға видеосы желіде жарияланды. Видео кадрларында полицияның қызмет көлігінің күтпеген жерден қарама-қарсы бетке жылдамдықпен бұрылғаны көрсетілген. Салдарынан ол жол бағытына шыққан мопед жүргізушісін қағып кеткен.
"Су тапшылығы болып, қала демала алмай қалады": Экологтар Көкжайлауда 650 миллиардқа салынатын тау кластері құрылысын тоқтатуды талап етті
Сөздерінше, құрылыс мұзды аймақтарға тікелей жақын орналасқан 3880 метр биікке салынады
2,8 шақырымға 4 миллиард теңге жұмсалған: Жетісу облысындағы сарқырамаға апаратын жолдың құрылысы әлі бітпей тұр
Сарқырамаға апаратын жол 2027 жылы қолданысқа берілмек