Павлодарда пансионатта қылмыстық топ зейнеткерлерді аш қалдырып, соққыға жыққан
Павлодарда қарт адамдарды азаптап, алаяқтықпен айналысқан қылмыстық топ әшкереленді. Бұл туралы Stan.kz ақпарат агенттігі хабарлайды.
Павлодар облыстық прокуратура полиция департаментімен бірлесіп, мүгедектігі бар зейнеткерлерді жүйелі түрде ұрып-соққан жеке пансионатты анықтады.
“Пансионат қызметкерлері 20 қарттың конституциялық құқығын өрескел бұзған (тамақтану мен жүріп-тұруын шектеп, ұрып-соққан). Сондай-ақ қайтыс болған тұрғындардың пәтерін ұзақ уақыт жалға беріп келген", – делінген хабарламада.
Жоғарыда аталған фактілер бойынша сотқа дейінгі өндіріс қозғалып, тергеу ішкі істер органдарына жүктелді.
Тергеу мүддесін көздейтін өзге де мәліметтер Қылмыстық іс жүргізу кодексінің 201-бабына сәйкес жария етуге жатпайды.
Айта кетейік, бұған дейін Солтүстік Қазақстанда ер адам өзінің қарт анасын ұрып өлтіргені туралы жазған едік.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі
Қазақстан әуежайлары қандай заңдарды бұзды және бұл үшін оларды қалай жазалады
Көптеген әуежай авиаотынды монополиялық жоғары бағада сату арқылы миллиондаған табыс тапқан