Зардап шеккен әйел ауруханадан шықты, алайда ол суретке түсуден бас тартты, себебі денесінде және бетінде күйеуінен қашқанда алған жарақат іздері әлі сақталған. Әйел бірнеше жыл бойы күйеуінен ажыраспақ болған.

Зардап шеккен әйелдің айтуынша, алғаш рет күйеуі үйлену тойынан кейін бір күн өткен соң оған зорлық-зомбылық көрсеткен.

"Ол мені пәтерде қамап ұстайды. Төрт күн бойы ешқайда шығарған жоқ. Күйеуге шықпаймын деп жүз рет айтсам да ұзақ көндірді. Жалпы, маған бейтаныс адам еді", - деді әйел.

Оның айтуынша, күйеуі өте ақылды, және басқа адамдардың жанында өзін мүлдем басқаша ұстайды.

"Менің көршілерім де былай дейді:" біз тіпті ол өзін осылай ұстай алады деп ойлаған жоқпыз", - деп атап өтті зардап шеккен әйел.

Әйел жұбайы оны жұмыстан бірнеше рет алып кеткенін, оның балаларына бұрынғы некеден және ата-анасына қауіп төндіргенін, және әйел жеке күзетші жалдауға мәжбүр болғанын айтты.

"Оны бұл тоқтата алмады. Мен тіпті күзет жалдадым. Олар менімен барлық жерде жүрді. Бірде ол күзетшіге келіп: "Жігіттер, оны қорғамаңыздар. Сіздер оған көмектесе алмайсыздар. Бұл пайдасыз" деген. Және ол не туралы айтқанын жақсы білді. Себебі, ол 28-ші күні кеңсеге келіп, ол жасағысы келгеннің бәрін жасады", - деп атап өтті әйел.

Оның айтуынша, оның күйеуі бұл "соғысқа" тыңғылықты дайындалған.

"Ол үнемі бүгін емес-ертең бізге қытайлықтар шабуыл жасайды, дайын болу керек дейтін. Бұл әзілсіз... Ол өте күшті. Және бәрі тез болды. Ол мені ұстап, пышақты тамағыма қойып, граната алды. Күзетшіге есікті жауып кетуін талап етті", - деп кепілдікке алынған әйел.

"Ол заң бойынша менің қорғансыз екенімді, ал өзінің кінәсіз екенін жақсы білген. Содан кейін ол әрдайым полицейлерге: "мен оны жақсы көремін, онсыз өмір сүре алмаймын" деп айтқан болатын. Мен білмеймін, бұл ерлердің ынтымақтастығы ма, бірақ маған полицияда әдетте: " ол сізді жақсы көреді. Барлығы осыдан" дейтін. Түсінесіз бе? Олар жоқ... қалай түсіндірсем екен? Бұл махаббат емес. Бұл құлдық", - деп ашуланды әйел.

Оның айтуынша, ер адам өз іс-әрекеттерін жақсы түсініп, әйелді кепілдікке алған жағдайды сырттай жақсылап бақылып, ойластырған.

"Маған сеніңіз, ол бәрін жақсы түсініп, оған дайындалған. Міне, мені босатар алдында ол маған "мен шығамын, сені аламын, біз сені ешкім таба алмайтын басқа елге барамыз" деді. Тіпті оған уақыт берсе де, ол мені табады. Ол мені ешқашан тыныштықта қалдырмайды. Ол ешқашан тоқтамайды", - деді ол.

Әйелдің айтуынша, оның жұбайы бірнеше рет жауапкершілікке тартылған.

"Мен полицияға алғашқы рет арыз жазғанда бұл туралы білдім. Тұрмыстық зорлық-зомбылық үшін ол соңғы бірнеше жылда жазаға тартылғанын білдім. Ол өте жас болған кезде жасаған. Тіпті суреттер болды. Яғни менімен танысудан бұрын", - деді ол.

Алайда, оның айтуынша, күйеуін ұстау - "бұл соңы емес". Ол осындай жағдайда жүрген басқа қазақстандықтарды үнсіз қалдырмауға шақырды.

Талқылау