Қазақстандықтар Түркияға саяхаттап барудан рекорд жаңартты

Биыл туристік жолдама қымбаттағанымен қазақстандықтар Түркияға саяхаттап бару бойынша рекорд жаңартты. Бұл туралы Stan.kz ақпарат агенттігі хабарлайды.

Фото: pixabay.com

Маусым айының қорытындысы бойынша Түркияға туристік жолдама бағасы жылдық мәнде 28,5%, шілдеде 35,5%, тамызда 39,3% көтерілген. Алайда бағаның көтерілуі қазақстандықтарды таңғалдырмаған сияқты.

Жақында Түркияның мәдениет және туризм министрлігі елдеріне келген шетелдіктер туралы жаңа статистиканы жариялады. Нәтижесінде маусым-тамыз айларында Қазақстан азаматтарының Түркияға 440,4 мың рет барғаны белгілі болды.

• Түйіндемеге елден кетуге дайын екенін жазатын болған: Экономистер жастардың шетелге жаппай кетуінің салдары қандай болатынын айтты

• Қазақстанға қай елдерден туристер көп келеді 

Қазіргі нәтиже былтырғыдан 7% жоғары ғана емес, сонымен қатар жаз айлары үшін ең жоғары көрсеткіш. 

Бұл сол елге кіргендер саны бойынша статистика екенін атап өтейік. Себебі барлық қазақстандықтардың Түркияда қанша уақытқа және не үшін барғаны белгісіз. Бірақ 2022 және 2023 жылдардағы нақты мәліметтерде ең танымал бағыт – Анталия.