Әйелдер өмір бойына сотталмайды: Қыздарын тұншықтырып өлтірген қазақстандық 20 жылға бас бостандығынан айырылды
Қарағанды облысында екі баланы өлтіру фактісі бойынша сот үкімі шықты. Бұл туралы Stan.kz ақпарат агенттігі хабарлайды.
Фото: pixabay.com
Белгілі болғандай 2023 жылдың қаңтар айында Г. және Д. танысып, 2023 жылдың қыркүйек айынан бастап екеуі Қарағанды облысының Бұхар-Жырау ауданының Гагаринское кентінде бірге тұра бастаған. Г-ның 2019, 2021, 2023 жылы туылған үш қызы болған.
"04.04.2024ж.таңертен Д, Г-мен келісіп кіреберіс есікті сыртынан кілтпен жауып, Теміртау қаласына жұмысқа кеткен. Г үш баламен үйде жалғыз қалған. Сол күні Г. балалардың бөлмесіне барып, екі қызды төсекке жатқызып, көрпемен тұншықтырып өлтірген”, – делінген соттың хабарламасында.
Сотталушының кінәсі сотталушының, жәбірленуші мен куәлардың айғақтарымен, заттай айғақтармен, сараптама қорытындылары және басқа іс материалдарымен дәлелденді.
Прокурор Г-ны кінәлі деп танып, оған 20 жылға бас бостандығынан айыру жазасын тағайындауды сұрады.
"Соттың үкімімен Г жас балаларды өлтіру дерегі бойынша кінәлі деп танылып, оған 20 жыл бас бостандығынан айыру жазасы тағайындалды және жазаны өтеу қылмыстық-атқару жүйесінің орташа қауіпсіз мекемесінде белгіленді. Жаза тағайындау кезінде сотпен ҚК-тің 46-б. 4-б. талабы ескерілді. Оған сәйкес, өмір бойына бас бостандығынан айыру жазасы әйелдерге тағайындалмайды.”, – деп мәлімдеді соттың баспасөз қызметі.
Үкім заңды күшіне енген жоқ.
Еске салсақ, осыған дейін Қостанай облысында белгісіз ер адам әйелді бауыздап өлтіргенін жазғанбыз.
"Қысқа мерзімді жеңілдіктер ұзақ мерзімді дағдарысқа ұласуы мүмкін": Сарапшылар Қазақстанда шұғыл енгізілетін шараларға қатысты пікір білдірді
