Қазақстандық боксшының титулдық кездесудегі қарсыласы белгілі болды

Қазақстандық Ангелина Лукас (1-0) 2 қазанда UBO International титулдық белбеуі үшін кездесу өткізеді, деп хабарлайды Stan.kz ақпарат агенттігі. 

Балуан Шолақ атындағы спорт сарайында Лукас украиналық Алена Гуриевамен (1-2) жұдырық түйістіреді. 

27 жастағы украиналық та кәсіби боксқа 2021 жылы аяқ басқан. Бір жылда ол үш кездесу өткізіп, оның біреуінде жеңіске жеткен. Лукас өзінің дебюттық жекпе-жегінде украинадық Светлана Василевскаяны жеңген. 

Ангелина Лукас кездесуге белсенді түрде дайындалып жатқанын мәлімдеді. Сөзінше, бұл титулдық жекпе-жек бокс әлемінде өзін танытуға мүмкіндік береді.