Қарапайым шаруалар үшін субсидия алу – қияметтің қиыны - Президент

Қазақстан президенті Қасым-Жомарт Тоқаев субсидияларды бөлу кезінде болатын былықтарға тоқталды деп хабарлайды Stan.kz ақпарат агенттігі.

Президент сөзіне дәйек ретінде 2019-2021 жылдары өнім өңдеуге берілген субсидияны келтірген. Айтуынша, бұл қаражаттың тең жартысы субсидия алам деушілердің 10 пайызының ғана қолына тиген.

“Субсидия алған кейбір пысықайлар өндірісті өркендетудің орнына бюджет қаржысын қалтасына басып, шалқып өмір сүрген. Ал қарапайым шаруалар үшін субсидия алу – қияметтің қиыны.

• "Табысты осы жерден тауып, шетелде шашу" әдетінен арылу керек - Тоқаев ірі кәсіпкерлер туралы


• Тоқаев шенеуніктерді мемлекетшіл-реформатор болуға шақырды

Оның үстіне, субсидия беру жүйесі өте күрделі және қажетті мәлімет көпшілікке қолжетімді емес. Субсидия бөлуді реттейтін жаңа цифрлық жүйе бұл түйткілді шеше алмай тұр", – дейді президент үкіметтің кеңейтілген отырысында сөйлеген сөзінде.