"Иә, мен тұрмысқа шықтым": 5 баланың анасы, әнші Динара Сұлтан шаңырақ көтерді
Қазақстандық әнші, көпбалалы ана Динара Сұлтан тұрмысқа шықты. Бұл туралы әнші Instagram парақшасында бөлісті, деп хабарлайды Stan.kz ақпарат агенттігі.
Желіде жарияланған фотосуретте танымал әнші балаларының ортасында сәнді көйлекпен тұрғанын көруге болады.
Өз жазбасында: "Иә, мен тұрмысқа шықтым. Және де менің сүйікті балаларым оның куәсі болды. Мен бақыттымын. Барлықтарыңызға осындай бақыт тілеймін", - деді ол.
Динара Сұлтанның таңдауы өзінен 17 жас үлкен бизнесмен Ерлан Қожасбайға түскен. Әнші парақшасында серігін жан-жүрегімен жақсы көретінін жасырған емес. Ол: "Сен жанымда болғанда, мені аптап ыстықта алып, теректің саясында отырғандай күй кешемін. Сен біздің жанұямыздың тірегісің. Сенсіз бір күн, бір жылдай сезіледі", — деп жазбаларының бірінде азаматына деген іңкәр сезімін білдіріп, желі қолданушыларының жүрегін елжіреткен еді.
Динара Сұлтан алғаш рет өзінен 17 жас үлкен күйеуі жайлы айтты >>>
Қазақстандық әнші Динара Сұлтан 2006 жылы "SuperStar.kz" музыкалық жобаға қатысқаннан кейінелімізде үлкен танымалдыққа ие болды. Кейінірек әнші China town тобының солисті болды.