"Бомба түскендей": Продюсер Гүлзира Айдарбекова үйіне ұры түскенін айтты

Танымал продюсер Гүлзира Айдарбекова журналист Мақпал Қаратайға берген сұхбатында үш қабатты зәулім үйіне ұры түсіп, бүкіл дүние-мүлкінен айырылып қалған кезін еске алды. Бұл туралы Stan.kz ақпарат агенттігі хабарлайды.

©instagram.com/gulziraaidarbekova

Қазақ эстрадасын дамытуға үлес қосып жүрген продюсер, әнші психологиялық көмекке мұқтаж екенін де жасырмады.

"Бала күнімнен тек дәулетті өмір сүруді армандадым. Базарда сауда жасап жүріп, ақшадан таршылық көрмедік. Қайрат сахнаға шыққан кезде бізде бүкіл дүние-мүлік болды. Өмірдің мәні осы екен дедік. Таудың ішінен екі-үш қабатты үй, қос-қостан машина міндік. Бір күні бір-ақ сәтте үйімізге ұрылар түсіп, ештеңе қалдырмай тонап кетті. Бір сандық алтын әшекейлерім мен қымбат тондарымды, ақша сақталған сейфті көтеріп кеткен. Үйге келсек бомба түскендей жайрап жатыр. Жау алыстан келмейді дегендей, қай заттың қай жерде тұрғанын білетін "ұры" болып шықты”, – деп жазды Гүлзира Айдарбекова.

Продюсер болған жағдайдан кейін өмірге деген көзқарасының түбегейлі өзгергенін айтты.

“Бұл оқиғадан сабақ алдық. 2020 жылы індет жайлаған кезде анам мен ағамнан айырылдым. Екеуі де ақ матаға оранып кете барды. Артында жинаған байлығы қалды. Соны көріп, тәубаға келдім. Қазір қарапайым көпқабатты үш бөлмелі үйде тұрамыз. Қажеттілікке жүріп тұрған бір ғана көлігіміз бар. Ақша мен дүние-мүліктің түбіне жету мүмкін емес екенін түсіндім," – дейді продюсер.

Еске салсақ, осыған дейін Гүлзира Үсенқызы Қайратты “мамасының баласы” дейтіндерге жауап бергенін жазған болатынбыз.