"Бірнеше рет заң бұзған адамды ақтау – жабайылық": Мейрамбек Бесбаев әріптесі Қайрат Нұртасты қолдап, сынға қалды

Ұшақта бейәдеп сөз айтып, 15 тәулікке қамалған Қайрат Нұртасқа эстрада әншісі Мейрамбек Бесбаев қолдау білдірді. Бұл туралы Stan.kz ақпарат агенттігі хабарлайды. 

Фото: https://www.instagram.com/m_besbaev

Өнер иесі қамауға алынған әріптес інісіне ағалық ақылын айтып, достық туралы сыр шертті. 

“Кейде есігіңнен күліп кіріп, текеметіңді тіліп кететіндер болады. Адам аласы ішінде ғой. Досым деп жүріп домалақ арыз жазып, құны қымбат достықты қастыққа айырбастай салатын хайуандар көбейді. Қайрат інім, Құдай жаныңа қуат берсін. Бұлттың артынан күн шығатыны секілді, әр жамандықтың артынан үлкен жақсылық болатыны ақиқат. Енді абайлап жүрші. Маңайыңда жүргендерді сұрыптап қарашы. Сені сатқан ақымақтың жазасын Алла береді. Алла әділ", – деп жазды әнші. 

• Қайрат Нұртастың ұшақта жанжалдасып, ұрған досы 10 тәулікке қамауға алынды

• "Досы жауына айналды": Гүлзира Айдарбекова 15 тәулікке қамалған Қайрат Нұртасқа қолдау білдірді

Желі қолданушылары мен өнер өкілдері отандық эстрада жұлдызының жазбасына түрлі пікір қалдырды. 

“Қоғамдағы түрлі тақырыпқа бірауыз пікір білдірмегендер, Қайрат үшін қабырғасы қайысты-ау”, “Әртістердің заң бұзу әрекеті басқа әріптестеріне ой салу керек”, “Қайрат осыған дейін де бірнеше рет заң бұзды. Заңға бағынбаған адамды ақтау – жабайылық. Төреғали жол ережесін бұзғанда да жақтап шықтыңыз. Азаматтығыңызға сын”, “Мейрамбек әншілер қоғамының төрағасы емес па?”, “Елдегі бір мәселеге пікір айтпаған адам, желіде белсенді болыпты”, “Заң бәріне – ортақ. Қылмыс жасап, құқық бұзылды ма, жазасын алуы керек”, – деп жазды тыңдарман қауым. 

Айта кетейік, 15 тәулікке қамалған Қайрат Нұртас уақытша ұстау изоляторына жеткізілді.