Баланың есірткі тасымалдаушысы болып жұмыс істейтінін қалай білуге болады
Полиция қазақстандық ата-аналарға балаларының "есірткі тасымалдаушысы" болып жұмыс істейтінін қалай білуге болатынын айтты. Бұл туралы Stan.kz ақпарат агенттігі хабарлайды.
Полиция ата-аналарға мынадай белгілерге назар аударуды ұсынады:
- баланың телефонында үй кіреберістерінің, аялдамалардың, қабырғалардың суреттері пайда болса;
- жеке заттары арасында изолента, zip-пакеттер, қалта электронды таразылары пайда болса;
- араласатын ортасы өзгерсе;
- сөйлеу мәнері өзгеріп, әңгіме тақырыбын бұруға тырысса, дөрекілік танытса;
- күн тәртібі өзгерсе: оқуға бірнеше сағат бұрын кетіп, оқудан бірнеше сағатқа кешіксе, кіммен және қайда болғанын айтпаса;
- жаңа заттар пайда болса және оның қайдан келгенін түсіндіруден бас тартса.
“Бұл белгілердің пайда болуы баланы бақылауға, кез келген заңсыз іс-әрекеттің салдарын түсіндіре отырып, онымен сөйлесуге себеп болуы керек. Ішкі істер министрлігі есірткі қылмысы үшін қылмыстық жауапкершілік 16 жастан, ал есірткі сатқаны үшін 14 жастан басталатынын еске салады”, – делінген хабарламада.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі
Қазақстан әуежайлары қандай заңдарды бұзды және бұл үшін оларды қалай жазалады
Көптеген әуежай авиаотынды монополиялық жоғары бағада сату арқылы миллиондаған табыс тапқан