Астаналық кәсіпкер заңсыз цех ашып, тартылған етке тұяқ қосқан

Елордалық полицейлер "Мал ұрлығы" жедел алдын алу шарасы барысында заңсыз ет өңдейтін зауытты анықтады. Зауыт антисанитарлық жағдайда жұмыс істеген. Бұл туралы Stan.kz ақпарат агенттігі хабарлайды. 

Видеодан скриншот

Астанада тәртіп сақшылары 47 жастағы тұрғынның ет сату саласында заңсыз әрекеттер ұйымдастырғанын анықтады. Ол дайын өнім көлемін арттыру мақсатында шамамен бір тонна ірі қара малдың аяқтарын өңдеп, оларды тартылған етке қосқан.

“Полицейлер цех ғимаратына кіріп, 1300 ірі қара малдың аяғын, бас сүйегі бар тұтас малдың сойылған денесі, шамамен 100 келі ет пен ет қалдықтарын тауып, тәркіледі”, – делінген хабарламада.

• "Мысық па, тышқан ба?": Астанада тұрғын әкімдік асханасынан алған ет қосылған құймақтан түгі бар тері шыққанына шағымданды

• Ботқадан құрт шыққан: Ақтөбе облысындағы балабақшаның 3 қызметкері жұмыстан босатылды

• “Тұздық қосылған жылқы еті, сиыр етінен сірне”: Қазақстанда оқушыларға арналған ас мәзірі бекітілді

Тәркіленген өнімдердің үлгілері сараптамаға жіберілді.

Жасырын өндірісті ұйымдастырушыға қатысты әкімшілік хаттама толтырылды. Тәртіп сақшылары ветеринарлық тексеруден өтпеген ет өнімдерінің тек қылмыстық тегі ғана емес, денсаулыққа қауіп төндіруі мүмкін екенін еске салды.