Алматы маңында үйлену тойында қарумен оқ атқан блогер мен төрт күдікті ұсталды
Алматының маңында үйлену тойында қарумен оқ атқан блогер мен төрт күдікті ұсталды. Бұл туралы Stan.kz ақпарат агенттігі Polisia.kz порталына сілтеме жасап хабарлайды.
Полиция департаменті жедел іздестіру шарасының нәтижесінде күдіктілерді ұстағанын мәлімдеді.
Деректерге сүйенсек, ұсталғандардың арасында алматылық блогер Заир Рзаев та бар. Ол үйлену тойында қонақ болып, әлеуметтік желілерде бөліскен.
Полицейлердің айтуынша той 9 маусымда Түрген ауылында өткен. Ал желіде тараған бейнежазбалардан әртүрлі қарудан бірнеше адам аспанға оқ атқаны байқалады.
"Атыс қаруын қолданған бұзақылық фактісі бойынша полиция қылмыстық іс қозғады. Оқ атылған қару сараптамаға жіберілді", – делінген хабарламада.
Полиция аудандық полиция басшылығына қатысты қатаң шаралар қабылданатынын айтты.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі
Қазақстан әуежайлары қандай заңдарды бұзды және бұл үшін оларды қалай жазалады
Көптеген әуежай авиаотынды монополиялық жоғары бағада сату арқылы миллиондаған табыс тапқан