"Реал Мадрид" клубындағылар "Қайратпен" өтетін ойынға қатысты наразылық білдірді
"Реал Мадрид ТВ" клубтық арнасында командасының алдағы Қазақстанға сапарына байланысты наразылық білдірілді. Бұл туралы Stan.kz ақпарат агенттігі AS басылымына сілтеме жасап хабарлайды.
“Таңғалатын ештеңе жоқ – ең алыс сапар, тікелей 6500 шақырым, Қытайға жақын, үйден тым қашық”, – деді жүргізушілердің бірі.
“Не істерсің, "Реалға" тағы да осындай жеребе тиді. Басқа фавориттермен немесе бірінші себеттен шыққан үміткерлермен салыстырғанда ең әділетсіз. Дәл былтырғы маусымдағыдай. Тағы бір сәйкестік – екі рет жеребе компьютер арқылы жасалды. Жарайды, кейін қаласаң, талқылайық. Бірақ бұл өте қатал, тым қатал. Тек қарсыластарға байланысты емес, тіпті әлсіздеу, ауқымы кіші командаларға қарсы ойнағанда да бізге ең ауыр сапар бұйырады – Қытай шекарасынан бар-жоғы 300 шақырым жерге баруға тура келеді”, – деді екінші жүргізуші.
"Реалдан" бөлек, "сары-қаралар" өз алаңында Бельгияның "Брюгге", Грекияның "Олимпиакос" және Кипрдің "Пафос" клубтарын қабылдайды.
Ал сырт алаңда "Қайрат" Лондонның "Арсенал", Миланның "Интер", Данияның "Копенгаген" және Португалияның "Спортинг" клубтарымен күш сынасады.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
