Қонаев пен Хо Ши Миннің Алматыда түскен архивтік суреті пайда болды
ҚР Президентінің баспасөз хатшысы Дінмұхамед Қонаев пен Қаныш Сәтбаевтың Вьетнам ұлттық көшбасшысы Хо Ши Минмен Алматыдағы кездесуі кезінде түскен архивтік фотосуреттерді жариялады. Бұл туралы Stan.kz ақпарат агенттігі хабарлайды.
Суретте Хо Ши Миннің келуі, Қонаев пен бірге аймақты аралаған сәттері бейнеленген.
"1959. Алматы. Вьетнам президенті Хо Ши Миннің Қазақстанға сапары. Дінмұхамед Қонаевпен және Қаныш Сәтбаевпен кездесуден естелік суреттер", - деп жазды Қасым-Жомарт Тоқаевтың баспасөз хатшысы.
Еске салсақ, 20 тамызда Қасым-Жомарт Тоқаев ресми сапармен Вьетнам Социалистік Республикасына барғанын хабарлаған болатынбыз.
Талқылау