Қызылордада көкнәр мен қарасора өсірілген жылыжай табылды
Ұлттық қауіпсіздік комитеті 4 ақпанда Қызылордада көкнәр мен қарасора өсірілген жылыжайды тапты. Аталмыш іске қатысы бар деген күдікпен Қызылорда қаласының 3 азаматы ұсталған, деп хабарлайды Stan.kz ақпарат агенттігі.
"Процессуалды шаралар нәтижесінде 24 түп апиын көкнәрі мен 2 түп қарасора тәркіленді. Олар гидропоника әдісімен өсірілген. Сонымен қатар 2 келі кептірілген марихуана табылды", – делінген ҰҚК баспасөз хабарламасында.
2022 жылдың 8 ақпанында Қарағанды облысында есірткі сатумен шұғылданған үш азамат тұтқындалған. Олардың екеуі Саран қаласының азаматтары.
"Есірткі заттары Қазақстанның оңтүстік аймақтарында өсіріліп, Нұр-Сұлтан, Қарағанды, Теміртау мен Сарань қалаларында сатылған. Қабылданған шаралардың нәтижесінде 6 келі гашиш пен 52 келі марихуана заңсыз айналымға жіберілмеді", – деп қосты ҰҚК баспасөз қызметіндегілер.
Қазір іс сотқа дейінгі бірыңғай тергеу реестріне Қылмыстық кодекстің 297-бабы 3-бөлімі бойынша тіркелді.
"Сап-сау баламды мүгедек қылып алдым": Қазақстандық әйелдің көзінше баласы азелит ішіп, өңешін күйдіріп алған
Бүгінде баланың асқазанына гастростома қойылған, өздігінен тамақтана алмай қалғанда ас тікелей асқазанға стома арқылы енгізіледі
Қазақстан әуежайлары қандай заңдарды бұзды және бұл үшін оларды қалай жазалады
Көптеген әуежай авиаотынды монополиялық жоғары бағада сату арқылы миллиондаған табыс тапқан