Мартин 2020 жылдың қаңтарында Англияның Дорсет графтығындағы ерлер түрмесінде жұмыс істей бастады. Ол 10 жыл түрмеде отырған Раймонд Абрахаммен танысып, қараша айында онымен қарым-қатынас орнатқан.

Күзетші тұтқынмен мессенджерлердің арқылы байланысып, камерада жасырын сақтаған телефонға көптеген ашық фотосуреттерін жіберген. Ол сондай-ақ Абрахамға дизайнерлік киімдер, тіпті, бір рет камерасына әйелдер іш киімін әкелген. Өз кезегінде, тұтқын, Мартинге ақша жіберіп, оның төлемдерін төледі. Абрахаммен бір жылдан астам қарым-қатынас кезінде бақылаушы одан 12 мың фунт стерлингтен (6 миллионнан астам теңге) алған.

Түрме қызметкері мен тұтқынның махаббаты: сүйіктісін қорғаған әйел абақтыға қамалды

"Ер адамның 6 баласы бар": Алматы облысында түрме қызметкері сотталушыны зорлаған

Түрме қызметкерлері Мартиннің тұтқынмен қарым-қатынасы туралы 2021 жылдың ақпанында білді. Абрахамның камерасынан ұялы телефон, екі USB флэш-дискісі және SD картасы табылды, онда күзетшінің ашық фотосуреттері сақталған. Қылмыскердің жастығының астынан әйелдер іш киімі де табылды. Полиция Мартиннің үйін тінтіп, үш мың фунт (шамамен 1,5 млн теңге) қолма-қол ақша, сондай-ақ оның тұтқынмен байланысқан екі телефонын тапты.

Күзетші қамауға алынды. Ол тоғыз заңсыздық бойынша кінәсін мойындап, 16 айға бас бостандығынан айырылды.

Талқылау