Қарағанды облысында жолаушылар пойызы мас әйелді қағып кетті
Фото: pixabay.com
Қарағанды облысында жолаушылар пойызы теміржол жолына шыққан әйелді қағып кеткен. Кейін әйелдің мас күйде болғаны анықталды. Бұл туралы Stan.kz ақпарат агенттігі хабарлайды.
"Қазақстан темір жолы" компаниясының мәліметінше, оқиға 7 шілде күні кешкі уақытта Қарағанды-Сортировочная-Ақадыр аралығында сағат 21:09-да болған.
Пойыз машинисі шұғыл тоқтауға тырысқанымен, соқтығысудың алдын алу мүмкін болмады. Әйел аяғын сындырып, Қарағанды-Сортировочная станциясында жедел жәрдем бригадасына тапсырылды. Алдын ала деректер бойынша, ол мас күйде болған.
-
"Монша сияқты": Қазақстандықтар Алматы-Қостанай пойызына шағымданды
-
Жыл соңына дейін елдегі барлық пойызға бейнекамералар орнатылады
Оқиғаға байланысты пойыз 18 минутқа кешіккен. Қазір оқиғаның мән-жайы анықталып жатыр, іс материалдары полицияға берілді.
Талқылау
