Біреуі 68 мың теңге: Қарағанды облысында дәрігерлерге қымбат бетперде сатып алған

Қарағанды облысында пандемия кезінде реаниматолог дәрігерлерге қымбат медициналық бетперде сатып алып берген. Бетперденің бір данасы 68 мың теңге тұрады. Жалпы алғанда, оларға бюджеттен 13 миллион теңге жұмсалған. Облыстың денсаулық сақтау басқармасы бетперденің мықты екенін алға тартты: кең әйнегі бар және ауыстырылатын көмір сүзгісімен жабдықталған. Сонымен қатар, билік бетпердені әлдеқайда арзан сатып алуға болатынын мойындаған, деп хабарлайды Stan.kz ақпарат агенттігі Астана арнасына сілтеме жасап.

Бірақ коронавирус өршіп тұрғанда басқа бағалар болған жоқ, дейді басқармада.

Ержан Нұрлыбаев, Қарағанды облысы Денсаулық сақтау басқармасының басшысы:

"Көп реттік бетперде. Содан кейін қайта өңделетін болады. Біз бұл шығындарға реаниматолог дәрігерлеріміздің қауіпсіздігін қамтамасыз ету үшін бардық. Мәселе жедел түрде шешілді, көктем-жаз айларында сатып алдық, бірінші толқын кезінде жүргізілді. Қазір кейбір сарапшылар қолданыстағы тауарлардың бағаларын көктем-жаздағы бағалармен салыстырады. Бұл дұрыс емес", - дейді ол.

Айтуынша, дәрігерлер бетперделерді тағып жүр. Бұл ретте шенеунік жақын арада қорғау құралдарын жаңадан сатып алу қажет болатынын айтады. Себебі қорғаныш құралдары қазірдің өзінде тозған.

Талқылау
Пікір
Қазір оқып жатыр
Çàãðóçêà...
Қазір оқып жатыр