AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
Соңғы жаңалықтар
Соңғы жаңалықтар

Дана Есеева: Күйеуім кінәлі болса, сот анықтасын

Кеше Алматы қалалық қылмыстық істер жөніндегі сот алқасы Мейіржан Төребаев пен Мейірхан Шерниязовты он тәулікке қамауға алу түріндегі бұлтартпау шарасын өзгеріссіз қалдырды. Осы орайда Дана Есеева соттан кейінгі әсерімен бөлісті, деп хабарлайды Stan.kz ақпарат агенттігі. 

"Сотқа бір риза болғаным, қосымша жеке қаулыны жария етті. Ол 30 күн ішінде хаттама толтырған тергеуші мен оны қолдаған прокурорға қолданған әрекеттерінің жауабын беруді сұрады. 

Өйткені олар хаттамада қазіргі заңнамада көрсетілмеген негіздерді атап көрсеткен. Оның ішінде: қоғамдық шу, БАҚ-тағы жарияланымдар, т.б. Кешегі үндеуімде айтқаным да осы еді", – дейді Дана Есеева. 

Мейіржан Төребаев пен Мейірхан Шерниязов 19 сәуір күні қамауға алынған еді. 10 күндік мерзім екі күннен соң аяқталатындықтан, Дана Есеева алдағы сот әділ өтетініне сенім білдірді. 

"Меніңше, бұл бұлтартпау шарасын анықтауда шешуші отырыс болмақ. Барлығы объективті, заңды және әділ болады деп үміттенемін. 
Күйеуім кінәлі ме, жоқ па, қандай деңгейде кінәлі, оны сот анықтасын. Бірақ сотқа дейін қамауда отырудың қажеттілігі жоқ. Ол ешқандай қауіп төндірмейді және жасырынатын да ойы жоқ", – дейді Есеева. 



Блогер қиын сәттерде отбасын қолдаған жақындарына алғыс білдірді. 

Еске салайық, 10 ақпанда белгілі вайнерлер Мейіржан Төребаев, Мейірхан Шерниязов және Әзімжан Саидбаев қаржылық пирамидаға қатысты іс бойынша айыпталушы ретінде танылғаны белгілі болды. Тергеу мәліметтері бойынша, олар Mudarabah Capital қаржылық пирамидасын жарнамалап қана қоймай, оның ортақ иелері ретінде үнемі табыс алып отырған. 11 ақпанда Саидбаевқа Алматы полициясы іздеу жариялағаны белгілі болды. 

Сәуірдің 11 күні Нұр-Сұлтанда Алматы тұрғыны Бағила Досмаилова осы іс бойынша тергеудің жүріп жатқанына наразы болып, өзін-өзі өртеп жіберді. Абырой болғанда әйел аман қалды. Ол өз-өзіне қол жұмсамай тұрып жазған хатында өзінің өліміне Алматы қалалық ІІД бастығының орынбасары Рустам Әбдірахмановтың кінәлі екенін айтқан. Бұл оқиғаға қатысты өз-өзіне қол жұмсау фактісі бойынша сотқа дейінгі тергеу басталды.

20 сәуірге қараған түні Төребаев пен Шерниязов 10 тәулікке қамауға алынды. Тұтқынға алынғаны туралы ақпарат тарамас бұрын Төребаев видео хабарлама жасап, онда ол өзінің құрбан болғанын және қаржы пирамидасының қызметінен пайда таппағанын айтқан. Алайда 13 сәуірде Алматы прокурорының орынбасары Нұрлан Ауғанбаев "Төребаев құрылтайшы болмай тұрып-ақ компаниядан тұрақты төлемдер алып отырған" деген мәлімдеме жасады.

Сонымен бірге, дәл сол бейне үндеуде Төребаев қаржы нарығын реттеу және дамыту агенттігі полицияға Mudaraba Capital қаржы пирамидасы туралы 2020 жылы ескерткенін қосып өткен.

Талқылау
Пікір
Қазір оқып жатыр
Қазір оқып жатыр