Атырауда үш баланың өліміне қатысты сотқа дейінгі тергеу басталды
Атырау облысында өрттен көз жұмған үш балаға байланысты сотқа дейінгі тергеу басталды, деп хабарлайды Stan.kz ақпарат агенттігі.
"Қазір сот-медициналық сараптама тағайындалды. Аталған дерекке қатысты Қылмыстық кодекстің 292-бабымен (өрт қауіпсіздігі талаптарын бұзу) сотқа дейінгі тергеу басталды”, – деп хабарлады облыстық полиция департаменті.
Айта кетсек, Атырау облысында пішен өртеніп, оқиға орнында үш баланың мәйіті табылғаны хабарланған болатын.
Кеше, 5 қазанда кешкі сағат 19:27 Махамбет ауданының Ортақшыл ауылындағы тұрғын үйдің жеке ауласына жиналған 22 орама шөп өрттенген.
"Оқиаға орнына аудандық №11 өрт сөндіру бөлімінің өрт сөндірушілер сағат 19:45-те жетті. Өрт түнгі сағат 23:07-де сөндірілді. Алайда 6 қазан сағат 00:02-де Махамбет аудандық полиция бөлімінен Ортақшыл ауылында кәмелетке толмаған 3 баланың жоғалғаны туралы хабар түскен”, – деді төтенше жағдайлар департаменті.
Жоғалған 2014 жылғы – екі, 2012 жылғы бір баланың денесі өртенген шөптің арасынан табылған.