Ақтөбе облысында жасөспірімді құтқарамын деп жездесі де суға кетті
Фото: freepik.com
Ақтөбе облысында жасөспірімді құтқармақ болған жездесі де суға батып кетті. Қос мәйітті құтқарушылар жағадан жеті метр қашықтан тапқан. Бұл туралы Stan.kz ақпарат агенттігі КТК арнасына сілтеме жасап хабарлайды.
Қайғылы оқиға Алға ауданына қарасты Маржанбұлақ ауылында болды. Бұл маңда Танаберген өзені ағып жатыр. 15 жастағы жасөспірімнің суға батып бара жатқанын жездесі аңғарып қалады. Құтқармақшы болғанда оны да ала кетеді. Сол жердің тереңдігі үш метрдей екен. Ауылдан өрт сөндіру бөлімі мамандары мен әкімдік қызметкерлері жеткен. Артынша сүңгуірлерді шақырып қос мәйітті тауып алды.
“Іздестіруге сүңгуірлер тартылды. Екі адамның мәйіті табылып, судан шығарылды. Шомылу маусымы аяқталуға жақын. Өзен суып кетті. Ал суық суда шомылу денсаулыққа, өмірге қауіпті”, – деді Ақтөбе облысы ТЖД басқармасының инженері Жаңабай Нұрдәулет.
Талқылау
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
Санжар Боқаевтың айтуынша, әкелінген брусчатка мүлде бүлінбеген, тіпті жаңа күйінде болған
Алматылықтар Әл-Фараби даңғылының жабылуына байланысты көлік коллапсын күтуде: Әкімдік жөндеу жұмыстары неге жаз соңында басталғанын түсіндірді
Әл-Фараби даңғылы бойындағы газ құбыры 1974 жылдан бері жұмыс істеп келеді және әбден тозған