Базар иесі жалға алушылардың есебінен күрделі жөндеуді бастаған. Әр жеке меншік иесінен шамамен бес миллион теңге міндеттелген. Сатушылар бұлай ақша жинағанға ашулы. Олар сауда орындары үшін ақша төлейтіндерін айтты.

Алматыдағы базардың 100-ге жуық сатушысы сауданы тоқтатып, ереуілге шықты.

"Базарды жаңарту үшін бізден 10 мың доллар бопсалау дұрыс емес, өйткені мен жай ғана жалға алушымын. Нысанның иесі емеспін. Жөндеуді қожайын өз есебінен төлеп, жасауы керек. Біз архитектуралық жоспарды көрмедік және білмейміз. "Несие алыңыз, шамаңыз жеткенше мәселені шешіңіз. Ақшаны қайдан тапсаңыздар, одан табыңыздар” деп отыр", – дейді кәсіпкер Айнаш Байымбетова.

Жалға алушылар директор тіпті қоқан-лоқы көрсеткенін айтты. Жөндеуге ақша бермейтіндердің бәрін қуып шығамыз деген. Ал көптеген саудагерлерде мұндай ақша жоқ.

"Базарға жөндеу жүргізу үшін 10 миллион және одан да көп ақша талап етіледі. Халықтың мұндай ақшасы жоқ. Неліктен қарапайым халық базарға жөндеу жүргізу керек? Бұлар тіпті бізді бопсалады. Халық өтірік айтпайды. Дұрыс па?" – деп түсіндірді саудагер Елена Сәдуақасова.

"Кенжехан" базарында жеті гектарға жуық аумақта 1,5 мыңнан астам бутик бар. Ай сайын саудагерлер орын үшін 50 мың теңге, контейнер иелері 200 мыңға жуық теңге төлеуге міндетті. Енді базар иесі жалға алушылардың есебінен күрделі жөндеуді бастады. Базар директоры наразы саудагерлерге жауап берді. Оның айтуныша, жөндеу жүргізуді шенеуніктер талап еткен. Ал оның күрделі жөндеу жүргізуге ақшасы жоқ.

"Үкімет базарды жаңарту туралы шешім шығарды, бірақ қаржыландыру мәселесін шешпеді. Бәрі жұмыста қалады. Бөліп, бөлшектеп жасаймыз. Біз үкімет ақша береді деп ойладық. Олар үш миллиард береміз деген. Бірақ бұл ақша жоқ", – деп мәлімдеді “Кенжехан" базарының басқарушы директоры Ардақ Тәжиев.

Келіссөз нәтижесіз аяқталды. Директор өз айтқанында қалды. Әкімшілік жөндеу кезінде базар жабылмайтынын түсіндірді.

Талқылау