Ұлттық банк теңгенің бекітілген бағамына қашан көшеді: Пірматов жауап берді
Ұлттық банктің төрағасы Ғалымжан Пірматов Ұлттық банк теңгенің бекітілген бағамына қайта оралуды көздеп отырмағанын мәлімдеді. Теңгенің еркін айырбас бағамы режимі жалғасады, деп хабарлайды Stan.kz ақпарат агенттігі.
Ол бұған дейін Ұлттық банк бағамды белгілі бір деңгейде ұстап тұруға тырысқанымен, мұның соңы теңгенің құлдырауына әкеп соққанын еске салды. Белгіленген бағам мемлекеттік бюджетке қымбатқа түседі. Мәселен, 2014-2015 жылдары валюталық интервенцияға 35 миллиард теңге жұмсалды, ал теңге бағамын ұстап тұру бәрібір мүмкін болмады.
"Сарапшылар ортасында бекітілген айырбас бағамы бизнеске инвестициясын, шығысы мен кірісін жоспарлауға мүмкіндік беретін шарт ретінде ұсынылады және бұл бизнес үшін маңызды. Алайда бизнес үнемі белгісіздік жағдайында өмір сүреді. Бұл тек айырбастау бағамы ғана емес. Бұл – баға және инфляция. Бұл – кредиттер бойынша пайыздық ставкалар, бәсекелестік, реттеу, болжамдар мен ертеңгі күнге деген сенімділік. Сондықтан айырбастау бағамы – бұл факторлардың бірі ғана", – деп мәлімдеді Пірматов "ҚазАқпаратқа" берген сұхбатында.
Оның айтуынша, Қазақстан Ұлттық банкі Үкіметпен бірлесіп теңгедегі салымдарды қорғау бағдарламасын жариялады. Ол 10 пайыз мөлшерінде өтемақы төлеуді қарастырады. Бұл шаралардың барлығы теңгедегі жинақтардың кірістілігін арттыруға, халқымызды қолдауға және экономикадағы инфляциялық қысымды төмендетуге бағытталған.
Ол рубль бағамы динамикасының теңге бағамына әсері және валюта нарығындағы қазіргі ахуалға да жеке тоқталып өтті.
"Жағдай шынымен де күрделі. Одан әрі де санкциялар күшейтілуі мүмкін деген болжамдарға байланысты сауда-саттықта рубльдің жағдайы құбылмалы. Әрине, Ресей Федерациясы қазір біздің негізгі сауда әріптесіміз саналады. Рубль бағамының долларға шаққандағы өзгеруі Қазақстан теңгесіне де әсер етпей қоймайды. Енгізілген санкциялардың нәтижесінде рубль енді техникалық түрде негізгі екі алаңда – Мәскеу биржасында, ішкі нарықта және банкаралық нарықта саудаланады. Өкінішке қарай, оларда баға белгілеу әртүрлі. Біз Мәскеу биржасына көбірек қараймыз, онда өтімділік бар. Банкаралық биржада өтімділік көп емес. Рубльдің долларға шаққандағы бағамы осы деңгейде болса да, рубль сегменттің өсуімен саудаланатынын атап өткім келеді, оның құны қанша болуы керек деген іргелі талдау жоқ. Бұл – нарықтың қалыпты ықпал етуі. Менің ойымша, теңге рубль бағамының әсеріне ұшырай бермеуге тиіс және бізде құбылмалылық та өсті, бірақ ол рубльге шаққандағы бағаммен бір деңгейде емес. Қазақстан мен Ресей арасындағы сауда мен сауда ағынының қазір қалай өзгеретінін ескере отырып, теңге мен рубль басқа тепе-теңдік құнын табады деп ойлаймын. Сондықтан бұл деңгейдің қандай болатынын қазір айту қиын. Бірақ біз қазірдің өзінде соңғы 6 жылда байқалған деңгей енді біз үшін бағдар бола алмайтынын түсіндік", - деді ол.
"Құс үркітіп сағатына 8 200 теңге таптым": Англияда жүріп 1 миллионнан аса айлық алатын қазақстандық жұмысы туралы айтып берді
