Мәскеуге табыс табамын деп аттанған анасының дауысын ол соңғы рет осы жылдың наурызында естіген. Әлі күнге туыстары да әйелдің қайда екенін нақты білмейді. Әр күн сайын кішкентай қарындасы мен бауырына азық-түлік алу үшін ол шар сатып ақша табады.

996129c8260f59b2062f21b195a9da5b

Сауда үйінің қасына әр кеш сайын келіп гүл пішінді шар сататын Эрмек, мүгедек нағашы әжесін, өзінің әжесін, бір жарым жасар қарындасы мен бес жасар інісін асырап жүр. Одан бөлек анасы алған несиені де төлейді. Бүкіл отбасы жалпы сомасы 8 мың сом болатын (117 доллар) екі зейнетақыға және немересі тапқан әр күндік 600 сомға (8 доллар) өмір сүреді

“Егер құр үйде отырсаң, ешкім ақша бермейді. Отбасыны асырау керек. Әжем шардан “гүл” жасайды, ал мен оны сатамын. Егер қуып жібермесе бір кеште 30 шардай сатуға болады. Бір тәтей келеді де мені қуа бастайды. Тек ол ғана сату керек сияқты шарды”, – дейді Эрмек.

35767ec28cece64660cfd159a9c4f350

Ол кәсібін қыста да тастаған емес. Бірақ, қысты күндері табыс жаздағыдай көп болмайды. Әрі ауа-райы да далада ұзақ уақыт тұрғызбайды.

“Екі жыл бұрын күйеу балам қайтыс болды. Қызым үш баламен жалғыз қалған соң Жалал-Абадтан Бішкекке көшіп келді. Саудамен айналысамын деп 100 мың сом алып еді, ол ойдағыдай болмады. Несиені өтеу үшін Мәскеуге қараша айында кеткен, ал ол жақта төлқұжатын жоғалтып алыпты. Енді не жұмысқа орналаса алмай, не қайта алмай отыр. Соңғы рет наурыз айында байланысқа шыққан, қазір жағдайы қалай екенін де білмейміз”, – дейді Эрмектің әжесі Айсұлу.

708f42bd89b09376bea1d51f37b9f0e1

Енді отбасы әр сайын банкке 7,5 мың сом төлеуге мәжбүр. Бұл қарыз әлі бір жылға созылмақ.

“Несие төлеу үшін Эрмек екеуміз күні бойы тер төгеміз. Жылы шұлық, киімдер тоқып сатамын. Бірақ, киімдер сондай қатты сұранысқа ие болмады. Содан немерем екеуміз шар сатуға кірістік”, – дейді әйел.

Сондай-ақ, биыл Эрмек мектепке де баруы керек. Бірақ, бұл жағы да түйінді шаруа болып тұрған жайы бар.

“Біздің үйге жақын мектеп баланы мектепке алмайтындарын айтты. Бұған себеп – менде анасынан алынған сенімхаттың жоқтығы екен. Сонда сол бір анықтама болмағаны үшін бала білім алмауы керек пе? Ал білім алу үшін балалар үйіне беріңдер деген сөз бе бұл? Оның отбасы бар, мен оны тастамаймын”, – дейді жанарына жас үйірілген әжесі.

4c1aa24a138a36323312cd017f07a5cc

Эрмектің тағдырына алаңдап, қолдау білдірген жомарт жандар да табылды. Солардың бірі оған ментальды арифметика бойынша білім алуға сертификат табыстаған. Балаға қоғамдық белсенді Дайырбек Орынбеков назар аударған соң, көпшілік бала туралы біле бастады. Ол Эрмекпен көшеде танысып қалған. 1 маусым күні Дайырбек баланы құттықтау үшін, ерекше флешмоб ұйымдастырады. Идея – баланың қолындағы бүкіл шарды сатып алу керек болған. Осылайша жомарт қырғызстандықтар баланың отбасы қолдауға жиналған. 20 минуттың ішінде 500 шарды сатқан бала 100 мың сомға ие болып шыға келеді.

553386fa3992e98c42f6ba291c88c25b

Қазіргі кезде Эрмектің бүкіл тауары бір сағаттың ішінде сатылып кететін болған.

“1 маусымнан кейін үш күн бойы мен көшеге шықпадым. Тапсырыс өте көп келіп түсті. Қазір мен сыртқа шығып ойнағым келеді, бірақ, уақыт жоқ. Шар сатуға бару керек”, – дейді бала.

Ал Эрмектің “ең аяулы арманы” – анасын көру.

99d54caafa44934875fc51a9d6b5035c

Мәскеудегі Қырғызстан елшілігі әйелді іздеуге кіріскен. Қыркүйекте Эрмек бәрібір бірінші сыныпқа барады. Әжесі қызының құжаттары реттеліп, Бішкекке оралып, отбасының басы қосылады деп үміттенеді.

Өткен жылы Қырғызстанның ұлттық статистикалық комитеті Халықаралық миграция ұйымымымен бірлесе отырып елдегі жұмыс істейтін балалар туралы зерттеу жасаған. Зерттеу барысында республика бойынша 580 мың кәмелетке толмаған баланың жұмыс орналасқысы келетіні анықталған. Олардың 414 мыңнан астамы жұмыс істеу үшін оқуды да тастап кеткен.

Оқи отырыңыз:

Алла Пугачева немересінің тойына құны миллион доллар тұратын зәулім үй сыйлады

Өзбекстанда президентті мақтауға тыйым салынды

Полицейлер мотоциклшіге көшеге шашып алған 60 миллион теңгесінің жартысын жинап берді

Зағип жігіт ақылды көзілдіріктің арқасында өз әйелін көрді (видео)

Талқылау