AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
AAPL
149.64 $
4.08 %
TSLA
759.63 $
7.33 %
NDAQ
155.64 $
3.12 %
GOOGL
2246.33 $
4.2 %
FRHC
42.55 $
3.15 %
Соңғы жаңалықтар
Соңғы жаңалықтар

ТОП-5 ел қатарында: Қазақстанда кедей отбасылардан шыққан балалар жақсы оқуға көбірек ұмтылады

Білім және ғылым министрі Асхат Аймағамбетов оқушылардың академиялық тұрақтылығы және оқушы отбасының әлеуметтік-экономикалық мәртебесімен оның оқу үлгерімі арасындағы байланыс туралы айтып берді,  деп хабарлайды Stan.kz ақпарат агенттігі.

Аймағамбетовтің сөзінше, зерттеулердің көбі отбасының әлеуметтік-экономикалық жағдайы оқушының мектептегі үлгеріміне айтарлықтай әсер ететінін көрсетеді.

“Мысалы, әлеуметтік-экономикалық жағдайы төмен балалардың оқу үлгерімі нашар. Алайда барлық оқушы қолайсыз жағдайлардың теріс әсеріне көнбейді, кейбіреулері бейімделу және кездесетін қиындықтарды жеңудің жоғары қабілеттілігін көрсетеді.

PISA зерттеуінде бұл қабілет академиялық резильенттілік, яғни төзімділік деп аталады. Академиялық тұрақты оқушылар— бұл әлеуметтік-экономикалық проблемаларға қарамастан, қиындықтарды жеңіп, мектепте жоғары үлгерім көрсете алатын студенттер”, – деді ол.

Министрдің мәліметінше, PISA зерттеуіне сәйкес, Қазақстанда білім алушының әлеуметтік-экономикалық жағдайы оның табысқа жетуіне кедергі бола алмайды. Мәселен, Қазақстанда білім алушылардың 16%-ы академиялық тұрақты (ЭЫДҰ-11,3%). Қазақстан осындай балалардың үлесі жоғары елдердің алғашқы бестігіне кірді.

“Академиялық тұрақтылыққа ие білім алушылар көбірек оқуды ұнатады, тапсырмаларды орындау үшін көп жұмыс істеуге тырысады және өз мақсаттарын қою мен оған қол жеткізудің үлкен қабілетін көрсетеді. Қазақстанның нәтижелері мұндай білім алушылардың академиялық тұрақсыз білім алушыларға қарағанда өз мақсаттарын қоюға және орындауға неғұрлым бейім екенін статистикалық тұрғыдан көрсетті”, – деді Асхат Аймағамбетов.

Министрдің сөзіне қарағанда, оқушылардың академиялық тұрақтылығы өздігінен қалыптаспайды, ол көптеген фактордың әсерінен дамиды. Тұрақтылық ата-ана мен мұғалімнің қолдауымен, мектептегі ынтымақтастықпен, қолайлы мектеп климатымен және оқушының өзінің қабілеттеріне деген сенімділігімен байланысты.

Талқылау
Пікір
Қазір оқып жатыр
Қазір оқып жатыр