Тоқаев үстел теннисінен Қазақстандағы алғашқы Азия чемпионатының жүлдегерін құттықтады
Қасым-Жомарт Тоқаев үстел теннисінен Азия чемпионатында қола медаль жеңген Алан Құрманғалиевті телефон арқылы құттықтады, деп хабарлайды Stan.kz ақпарат агенттігі.
15 жасар қазақстандық Алан Құрманғалиев Лаоста өткен жасөспірімдер мен кадеттер арасындағы үстел теннисінен Азия чемпионатының қола медалін иеленген.
Бұл жетістіктің ел спорты үшін тарихи маңызын атап өткен Мемлекет басшысы Аланның шеберлігіне алғыс айтып, келешекте жаңа жарқын жеңістерге жетуіне тілектестік білдірді.
Алан Құрманғалиев Қазақстанның үстел теннисі тарихында Азия чемпионатында жүлде алған тұңғыш спортшы атанды.
Талқылау