"Суық және жауын-шашынды болады": Қазақстанда күздің алғашқы күндеріне арналған ауа райы болжамы жарияланды

Синоптиктер 2-4 қыркүйек күндеріне арналған ауа райы болжамын жариялады. Бұл туралы Stan.kz ақпарат агенттігі хабарлайды. 

Қазгидрометтің мәліметінше, ауқымды және белсенді емес циклон Қазақстанда әлі де сақталады. Алдағы күндері еліміздің басым бөлігінде бұлтты, жауын-шашынды және суық ауа райы сақталады.

"Елдің солтүстігінде, шығысында кей жерлерде қатты жаңбыр жауады, Жетісу, Алматы облыстарының таулы аймақтарында жауын-шашын, кей жерлерде жаңбыр мен көктайғақ түріндегі қатты жауын-шашын, найзағай ойнап, бұршақ жаууы мүмкін. Бұл аймақтарда ауа температурасы түнде 5-12, күндіз 13-20, таулы аймақтарда түнде 0-5 жылы болады", – делінген хабарламада.

Ауа райы болжамы бойынша Қазақстанның батысында ғана ауа райы салыстырмалы түрде қолайлы температуралық фонмен жауын-шашынсыз ашық ауа райы сақталады. Еліміздің солтүстік-батысында және солтүстігінде түнде және таңертең тұман күтіледі.