AAPL
168.49 $
-0.44 %
TSLA
859.89 $
-2.62 %
NDAQ
186.57 $
-0.02 %
GOOGL
118.84 $
-0.72 %
FRHC
57.42 $
-0.24 %
AAPL
168.49 $
-0.44 %
TSLA
859.89 $
-2.62 %
NDAQ
186.57 $
-0.02 %
GOOGL
118.84 $
-0.72 %
FRHC
57.42 $
-0.24 %
Соңғы жаңалықтар
Соңғы жаңалықтар

"Сырдария өзенінің деңгейі былтырғыға қарағанда жақсы": Үкімет басшысы Қазақстандағы су мәселесі қалай шешіліп жатқанын айтты

Елімізде ауылшаруашылығы саласын айтқанымызда алдымыздан су мәселесі қатар шығады. Әсіресе бұл оңтүстік өңірінің халқы үшін өте өзекті мәселе. Су мәселесіне келгенде Қазақстан көрші елдерге тәуелді болып қалады. Осы мәселелерді шешу үшін қандай жұмыстар атқарылып жатыр? Бұл сұраққа премьер-министр Әлихан Смайылов "Жаңа Қазақстан" бағдарламасына берген сұхбатында жауап берді, деп хабарлайды Stan.kz ақпарат агенттігі.

засуха 2022

Смайыловтың сөзінше, су мәселесі еліміз үшін әрқашан өзекті мәселелердің бірі болып келген.

"Бұл мәселе бойынша біз арнайы жұмыстар жүргізудеміз. Көршілес елдермен тиісті комиссиялар мен жұмыс топтары құрылған. Біз екіжақты кездесулерде әрқашанда әріптестерімізбен кездесіп, бұл мәселелерді бөлек талқылаймыз. Мысалы, биыл біз Сырдария өзенінің бассейні бойынша 4 елдің арасындағы келісімге қол қойдық. Ол – Қазақстан, Өзбекстан, Тәжікстан және Қырғызстан мемлекеттері. Соның нәтижесінде біз Шардара су қоймасына 5 млрд текше метр суды жинадық, сосын көктемде Көксарай су қоймасына 250 млн текше метр суды жинадық. Жыл басында Көксарай су қоймасы құрғақ еді. Жалпы былтырғымен салыстырғанда біз осы екі су қоймасына 340 млн текше метр су артығымен жинап отырмыз. Яғни Сырдария өзенінің жағдайы биыл былтырғыға қарағанда жақсы", – деді ол.



Үкімет басшысы сонымен қатар Шу және Талас өзендері бойынша да Қырғызстан басшыларымен келісімге қол қойып, тиісті кестелер қабылданғанын айтты. Сөзінше, тауар өндірушілер қазір суды бекітілген кестемен алып отыр.

"Сонымен бірге Жайық өзені бойынша да былтырғымен салыстырғанда 430 млн текше метр су көп келіп отыр. Біз Ресей тарапымен де тиісті келісімге келдік. Жалпы айтқанда биыл сумен қамтамасыз ету былтырғыға қарағанда жақсы. Сондай-ақ бұл мәселе үкіметтің ерекше назарында", –  деді Әлихан Смайылов.

Талқылау
Пікір
Қазір оқып жатыр
Қазір оқып жатыр