Шығыс Қазақстан облысында 500-ден аса адам жоғалып кеткен баланы іздестіріп жатыр

Шығыс Қазақстан облысы Согра ауылында 12 жастағы жасөспірімді іздестіру жұмыстары жүріп жатыр, деп хабарлайды Stan.kz ақпарат агенттігі. 

Ішкі істер министрлігінің мәліметінше, бала жұмадан сенбіге қараған түні 02:30 шамасында шығып, қайта оралмаған.

Қазір іздестіру жұмысына 500-ден аса адам жұмылдырған. Оның 350-і полиция қызметкерлері, 100 Ұлттық ұлан сарбаздары, еріктілер мен құтқарушылар. Олар тұрғын үйлердің аулалары, шарушылық нысандарды аралауда. Сонымен қатар қызметтік иттерді де пайдаланып жатыр. 

Ведомство өкілдерінің сөзінше, бала аутизмге шалдыққан, сөйлей алмайды.