Ресейде танымал Roblox ойын платформасы бұғатталды

Фото: Google Play

Ресейде жасөспірімдер мен жастар арасында танымал Roblox ойын сайты бұғатталды. Бұл туралы Stan.kz ақпарат агенттігі хабарлайды.

Роскомнадзор экстремистік және террористік әрекеттерді насихаттау мен ақтау, зорлық-зомбылыққа қарсы әрекеттерге шақыру және ЛГБТ насихатын қамтитын материалдар анықталуына байланысты америкалық Roblox интернет қызметін шектеді.

Роскомнадзор Roblox ойын чаттарында кәмелетке толмағандармен танысып, кездесетін педофилдер арасында танымал екенін мәлімдеді.

"Балалар ойында жыныстық қудалауға ұшырайды, олардың жақын фотолары түсіріледі және оларды әдепсіз әрекеттер мен зорлық-зомбылыққа мәжбүрлейді. Балаларға қатысты мұндай заңсыз мінез-құлық жағдайлары Америка Құрама Штаттарында да, Ресейде де сирек кездеседі", – деді агенттік.

Мұндай ойындар террористік акт, мектептерге шабуыл жасау және құмар ойындарға тартуға ұласатынын да хабарлады.

Еске салсақ, қазақстандық ата-аналарға интернеттегі Roblox ойынына қатысты ескерту жасалды.