Ресей елшілігі Қазақстандағы тәртіпсіздіктерге қатысқан ресейліктер ісін өз бақылауына алды
Қазақстанда жаппай тәртіпсіздіктерге қатысты деп айыпталған екі ресейлікке қатысты істі Нұр-Сұлтандағы Ресей елшігі өз бақылауына алды, деп хабарлайды Stan.kz ақпарат агенттігі РИА Новости басылымына сілтеме жасап.
"Қолда бар ақпаратқа сәйкес Қазақстан Республикасы құқық қорғау органдары Қылмыстық кодекстің 272-бабы 2-бөлімі бойынша айыпталған екі Ресей азаматын тұтқынға алған. Олар қазір Өскемендегі қылмыстық-атқару жүйесі комитетінің мекемесінде қамауда отыр. Азаматтарға адвокат қызметі ұсынылған", – делінген басылым жариялаған мәлімдемеде.
Аталған бап бойынша кінәлілерді 3 жылдан 8 жылға дейін бас бостандығынан айыру жазасы қарастылырған.
Сондай-ақ қамаудағы азаматтардан Қазақстандағы Ресей елшілік мекемелеріне мәлімдеме келіп түспеген.
"Қазір тергеу барысы Өскемендегі Ресейдің бас елшілігінің бақылауында және тиісті нұсқаулар берілді", - деді дипломатиялық өкіл.
Айта кетейік, Адам құқықтары бойынша омбудсмен Эльвира Азимова қаңтар оқиғаларынан кейін елімізде 18 шетел азаматының қамауда отырғанын мәлімдеген. Олардың 14-і Өзбекстан, 2-і Ресей және тағы 2-і Қырғызстан азаматтары.
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
