Отты торнадо көтеріліп жатыр: Лос-Анджелесте өрт салдарынан қаза тапқандар саны 16-ға жетті
Лос-Анджелесте жел бағытын өзгертіп, өрт шығысқа қарай Брентвуд пен Энсиноға дейін жетті. Қаза тапқандар саны 16-ға жетті. Бұл туралы Stan.kz ақпарат агенттігі NBC News порталына сілтеме жасап хабарлайды.
Фото: видео кадрларынан скрин
Лос-Анджелестің алты аймағында жойқын өрттер 37 мың акрды (15 мың гектарға жуық) қамтып, бүкіл елді мекендер мен 12 мыңнан астам құрылысты қиратты.
Лос-Анджелес округінің шерифі Роберт Лунаның айтуынша, кем дегенде 13 адам із-түссіз жоғалып кеткен.
“Жоғалған адамдар туралы хабарлардың өртке қатысы бар-жоғы белгісіз”, – деді ол.
Осы уақытта куәгерлер қаланың үстінен отты торнадо көтеріліп жатқанын жеткізді.
Талқылау