"Балық аулауды қоспағанда, суды пайдаланудың барлық санаттарына қолданылатын су объектілеріндегі су сапасының бірыңғай жіктеуіш жүйесіне сәйкес магний, хлоридтер артық мөлшерде болған", - делінген хабарламада.

Магний концентрациясы - 316 мг/дм3, хлорид - 748 мг/дм3, минералдануы - 4 946 мг/дм3. Хлоридтер мен минералданудың нақты концентрациясы фон класынан аспайды, магний - фондық класынан асады.

Алакөл көліндегі судың температурасы 27-28,6 ºC, рН 8.29-8.97, суда еріген оттегінің концентрациясы 7.55-7.67 мг/дм3, түсі 9-17 градус, иіс - 0 Гол.

Бес күн бойы жүргізілетін «оттегінің биохимиялық шығыны 5» талдауы осы жылдың 26 шілдесінде ұсынылады.

Бұған дейін Алакөл көлінің аралдарының бірінен жиырмадан астам өлі құс табылды деп хабарланған болатын.

Әлеуметтік желілердегі жариялауға Орман шаруашылығы және жануарлар дүниесі комитеті наразылық білдірді.

"Орман шаруашылығы және жануарлар дүниесі аумақтық инспекциясының мемлекеттік инспекторлары Алакөл мемлекеттік табиғи қорығының қызметкерлерімен бірге құстар өлгеннен кейін Алакөл көлінің кіші Аралтөбе аралына саяхат жасады. Аралды қарау кезінде мамандар қызыл үйректің тоғыз өлігін тапты. Үлкен, орташа және кіші Аралтөбе аралында құстардың жаппай қырылуы тіркелген жоқ", - деп жазды комитеттің баспасөз хатшысы Сәкен Ділдахмет Facebook-тегі парақшасында.

Оның айтуынша, қазіргі уақытта құстардың қырылу фактісі туралы тиісті мемлекеттік органдарға хабарланған. Жақын арада олар зерттеу жүргізіп, үйректердің өлімінің себебін анықтауы керек.

Естеріңізге сала кетейік, Алакөл жағалауында үйректердің жаппай қырылуы демалушыларды үрейлендірген. Енді демалыс аймағы туристер үшін карантин аяқталғанға дейін жабық болады.

Талқылау