Ғалымдар ми жұмысын үш минутта жақсартудың жолын тапты
Цукуба университетінің ғалымдары ырғақты музыканың сүйемелдеуімен төмен қарқынды дене шынықтыру жаттығулары мидың атқарушы қызметін: зейінді, есте сақтауды және ойлауды жақсартатынын анықтады. Бұл туралы Stan.kz ақпарат агенттігі Neuroscience журналына сілтеме жасап хабарлайды.
Сурет pexels-тен
Журналдың мәліметінше, алдыңғы зерттеулер ырғақты музыкаға жоғары сезімталдығы бар адамдар әуенді тыңдау арқылы префронтальды қыртыстың жұмысын жақсарта алатынын көрсеткен. Сонымен қатар ғалымдар әсерлі музыка мен дене жаттығуларын біріктіру арқылы ми жұмысын арттыруға болатынын анықтады.
Жарияланған ақпаратқа сәйкес, экспериментте 18 бен 26 жас аралығындағы 48 сау адам ырғақты музыкаға үш минуттық өте төмен қарқынды аэробты жаттығулар жасаған. Жаттығу кезінде дене эмоционалды түрде музыка ырғағына мидың сол жақ дорсолатеральды префронтальды қыртысында, зейін, есте сақтау және ойлау сияқты атқарушы функцияларға жауап беретін аймақта белсенділіктің жоғарылағанын көрсеткен. Бұл қабілеттер мақсатқа жету үшін қажетті әрекеттерді жоспарлауға және назарды қазіргі уақытта қажет объектіге ерікті түрде шоғырландыруға мүмкіндік береді.
Зерттеу нәтижелері мидың жұмысын жақсарту үшін жағымды, жеңіл әрі тиімді жаттығуларды жасауға көмектеседі.