AAPL
140.82 $
-5.64 %
TSLA
709.81 $
-6.8 %
NDAQ
142.09 $
-4.5 %
GOOGL
2237.99 $
-3.93 %
FRHC
41.11 $
-5.52 %
AAPL
140.82 $
-5.64 %
TSLA
709.81 $
-6.8 %
NDAQ
142.09 $
-4.5 %
GOOGL
2237.99 $
-3.93 %
FRHC
41.11 $
-5.52 %
Соңғы жаңалықтар
Соңғы жаңалықтар

Күзетшілер мен бухгалтерлер: 2022 жылы Қазақстанда ең жоғары сұранысқа ие мамандықтар аталды

Биыл күзетшілерге, бухгалтерлерге, сатушыларға және жүргізушілерге сұраныс сақталады, деп хабарлайды Stan.kz ақпарат агенттігі. 

"Еңбек ресурстарын дамыту орталығы" АҚ Болжамдау департаментінің деректері бойынша Қазақстанда осы жылы жалдамалы жұмыскерлердің саны 6,8-6,9 млн адамды құрайды. Жалдамалы жұмыскерлерге сұраныс 188,6 мың адам болады. Оның жартысы жұмыстан шығатын жалдамалы жұмыскерлерді алмастыру сұранысына сай келеді. Сонымен қатар, күзетшілер, бухгалтерлер, сатушылар мен жүргізушілер еңбек нарығында ең танымал болып, жаппай сұраныста қала береді.

"Өңірлер бойынша неғұрлым елеулі жиынтық сұраныс жұмыстан шығатын жалдамалы жұмыскерлерді алмастыру бойынша сұранысты ескергенде Алматы қаласында, сондай-ақ Алматы және Жамбыл облыстарында орын алады. Ал салалар бойынша білім беру, ауыл шаруашылығы және сауда бағыттарының қызметкерлері көбірек талап етіледі", – деді ЕРДО Болжамдау департаментінің директоры Дмитрий Шумеков.



Сарапшының айтуынша, әйелдердің зейнеткерлік жасын арттыруды ескере отырып, жалпы еңбекке қабілетті жастағы халық саны биыл 11,4 млн адамға (2021 жылғы деңгеймен салыстырғанда 98 мыңға өседі) жетеді.

"Биыл жұмыс күшінің саны 9,2-9,3 млн адамды құрайды. Яғни жалпы өткен жылдың деңгейінде сақталады. Алайда, біздің болжамымызша, еліміздің үш ірі қаласында экономикалық белсенді халықтың жиынтық саны осы қалалардағы жастар үлесінің артуы салдарынан және көші-қон себептері бойынша 54 мың адамға өседі", – деді ол.

Сондай-ақ болжамдарға сәйкес, жұмыссыздар саны 461-465 мың адам деңгейінде болады. Ал жұмыссыздық деңгейі 5%-дан аспайды.

Талқылау
Пікір
Қазір оқып жатыр
Қазір оқып жатыр