Коронавирустың екінші толқыны: Нұр-Сұлтанда карантин күшейтілді

Елордада карантин тәртібін қадағалау күшейтіледі, деп хабарлайды Stan.kz ақпарат агенттігі қала әкімдігінің баспасөз қызметіне сілтеме жасап. 

Әкімдікте қала әкімінің орынбасары Бақтияр Мәкеннің төрағалығымен COVID-19 екінші толқынына дайындық және мобильді топтар жұмысы талқыланды.

Қазақстан Республикасының Президенті Қ.Тоқаевтың COVID-19 екінші толқынына дайындық туралы тапсырмасы аясында елордада карантин шараларының сақталуына мониторинг және бақылау жөніндегі шараларды күшейту туралы бұйрық берілді.

Ережелерді жиі бұзатын нысандар ойын-сауық мекемелері, қоғамдық тамақтану ұйымдары, кафелер, мейрамханалар, караоке, барлар, сауда орталықтары мен базарлар. Нұр-Сұлтан қаласы әкімінің орынбасары Бақтияр Мәкен мобильді топтар жұмысын күшейтуді және кәсіпкерлік субъектілеріне күнделікті түнгі және күндізгі рейдтер жүргізуді, карантинді бұзушыларды жауапкершілікке тартуды тапсырды.

"Сонымен қатар, COVID-19 екінші толқыны болған жағдайда дәрі-дәрмек жетіспеушілігі мен дәріханаларда бағаның өсуіне жол бермеу қажет. Жауаптылар дәрі бағасын қатаң бақылауға алуы керек. Басқа елдерден келетіндер үшін міндетті ПТР тестілеу қажет", - деді Б.Макен.

Маска тағу тәртібін сақтамаған азаматтарға да шара қолданылады. Жиналысты қорытындылай келе, жиналғандар COVID-19 таралуын болдырмауға және алдын алуға бағытталған шешімдерге
қолдау білдірді.

Еске салсақ, осыған дейін Алматыда пандемияның екінші толқынына байланысты карантин талаптары күшейтіледі.

Оған қоса, Қазақстанның тағы бір қаласында карантин ұзартылды.