Қызылордадағы мектепте оқушы қатарласына пышақ сұққан: Тәрбие ісі жөніндегі орынбасарлар жұмыстан шығарылды

Қызылорда қаласының № 217 мектеп-лицейінде жоғары сынып оқушылары арасындағы төбелеске байланысты директордың тәрбие ісі жөніндегі екі орынбасары қызметінен босатылды деп хабарлайды Stan.kz ақпарат агенттігі.

Бұл туралы облыстық білім басқармасының баспасөз қызметі хабарлады.

4 сәуірде төбелес кезінде 11-сынып оқушысы параллель сыныптағы жасөспірімге пышақ жарақатын салды. Жәбірленуші ауруханаға түсті. Медициналық көмек көрсетілгеннен кейін үйіне жіберілді.

"Қызылорда қаласының № 217 мектеп-лицейінің тәрбие-ісі жөніндегі екі орынбасары қызметтен босатылды, олар өз деңгейінде әкімшілік қадағалауға келіспеді және кемшіліктерге жол берді. Мектеп директорына қатысты қатаң шаралар қабылданып, лауазымның сәйкестігі туралы мәселе қаралады", – делінген Қызылорда білім басқармасының хабарламасында.

Жоғары сынып оқушысына пышақ салу фактісі бойынша полиция тергеуді бастады, сараптама тағайындалды, тергеу амалдары жүргізілуде.

Басқармада 6 сәуірде Қазалы ауданында болған жасөспірімді аяусыз ұрып-соғу оқиғасы туралы түсініктеме берілді. Ведомствода Қызылорда облысы Қазалы ауданының № 266, № 70 мектеп-лицейлерінің мектеп директорлары мен тәрбие ісі жөніндегі орынбасарларына қатысты қатаң шаралар қабылданып, лауазымның сәйкестігі туралы мәселелер қаралатынын атап өтті.

"13 сәуірде өтетін облыстық білім басқармасының кеңейтілген отырысында Қызылорда және Қазалы ауданының білім бөлімі басшылары мен мамандарының жауапкершілігі туралы мәселе қаралады", – делінген ведомство хабарламасында.