Қазақстанның мемлекеттік қарызы 63,7 миллиард долларға жетті: Ел үкіметі кімге қарыз

1 қазандағы жағдай бойынша Қазақстанның мемлекеттік қарызы жыл басымен салыстырғанда 6,5 % артып, 63,7 миллиард долларға жетті. Еліміздің мемлекеттік қарызы жылдан жылға артып келеді. Бұл туралы Stan.kz ақпарат агенттігі Raking.kz порталына сілтеме жасап хабарлайды. 

Фото: pixabay.com

Мемлекеттік қарыздың:

• 94,4%-ы немесе 60,1 млрд доллары үкіметке;
• 4% немесе 2,5 млрд доллар, жергілікті атқарушы органдарға (әкімдіктерге);
• 1,6% немесе 1 млрд доллардан сәл астам Қазақстан Республикасы Ұлттық Банкіне тиесілі.

Қазақстанның ішкі қарызы есептелген күні 45 млрд долларға тең болып, жыл басынан бері 14,7% өсті. Сонымен қатар сыртқы қарыз жыл басынан бері 3,3% төмендеп, 15,1 млрд доллар болды.

Мемлекеттің ішкі қарызы мыналардан тұрады:

• TONIA мөлшерлемесі бойынша индекстелген мемлекеттік қазынашылық міндеттемелер – $2 млрд;
• Мемлекеттік қысқа мерзімді қазынашылық міндеттемелер – $1,8 млрд;
• Мемлекеттік орта мерзімді қазынашылық міндеттемелер – $4,7 млрд;
• Мемлекеттік ұзақ мерзімді жинақ қазынашылық міндеттемелері – $1,4 млрд;
• Мемлекеттік ұзақ мерзімді қазынашылық міндеттемелер – $35,1 млрд;
• Басқа міндеттемелер – 5 млн доллар.

Мемлекеттің сыртқы қарызы халықаралық қаржы институттарының несиелері мен бағалы қағаздардан тұрады. Қазақстан үкіметі мына қаржы институттарына қарыз:

• Халықаралық қайта құру және даму банкі – $3,3 млрд;
• Азия даму банкі – $1,4 млрд; Еуропалық қайта құру және даму банкі – $82,4 млн;
• Ислам даму банкі – $60,2 млн;
• Азиялық инфрақұрылымдық инвестициялар банкі – $633,3 млн;
• Араб экономикалық дамуының Кувейт қоры – $362 мың;
• Жапония халықаралық ынтымақтастық агенттігі – $184 млн;
• Германияның үкіметтік несие агенттігі – $6 млн;
• Қытай Халық Республикасының Экспорт-импорт банкі – $195,1 млн;
• Шетелдік коммерциялық банктер – $200 млн.

Ал бағалы қағаздарға мыналар жатады:

• Еурооблигациялар – $8,4 млрд;
• Ресей нарығында орналастырылған мемлекеттік бағалы қағаздар – $646 млн доллар.

Бұдан бөлек, мемлекет кепілдік берген қарыз да бар. Ол да жыл басынан бері 7,2% өсіп, 3,4 миллиард долларға жетті. Осылайша, 1 қазанға дейін мемлекеттік және үкімет кепілдік берген қарыз 67 миллиард доллардан асты.