Қазақстанның 9 аймағында дауылды ескерту жарияланды
Синоптиктер 5 тамызда Қазақстанның тоғыз өңірінде дауылды ескерту жариялады, деп хабарлайды Stan.kz ақпарат агенеттігі Қазгидрометке сілтеме жасап.
5 тамызда Нұр-Сұлтанда солтүстік-шығыстан жел соғады, екпіні секундына 16 метрге жетеді.
Ақмола облысында батыста 36 градус қатты ыстық күтіледі. Солтүстік-шығыстан жел соғады, күші күндіз кей жерлерде 15-20 м/с жетеді.
Солтүстік Қазақстан облысында қатты ыстық 35 градус сақталады. Шығыстан жел соғады, кей жерлерде күші 15-20 м/с күтіледі.
5 тамызда таңертең және күндіз Қызылорда облысының кей жерлерінде найзағай күтіледі. 5 тамызда Қызылорда облысында солтүстік-батыстан жел соғады, күші кей жерлерде 15-20 м/с күтіледі. Күндіз өте жоғары өрт қаупі сақталады.
Қостанай облысында 35-37 градус ыстық болады деп күтілуде. Жел секундына 15-20 м/с жетеді.
Алматы облысында күндіз кей жерлерде 35 градус ыстық болады.
Ақтөбе облысының кей жерлерінде найзағай, дауыл, тұман, күндіз бұршақ күтіледі. Шығыстан, солтүстік-шығыстан жел соғады, кей жерлерінде 15-20 м/с болады. Ақтөбе қаласында найзағай, шығыстан жел соғады, күндіз екпіні 18 м/с күтіледі.
Батыс-Қазақстан облысының кей жерлерінде найзағай, дауыл, бұршақ күтіледі. Жел солтүстік-шығыстан кей жерлерде 15-20 м/с күтіледі. Орал қаласы найзағай, жел солтүстік-шығыстан екпіні 18 м/с болуы мүмкін.
Атырау облысында кей жерлерде қатты жаңбыр, найзағай, дауыл, бұршақ күтіледі. Жел секундына - 15-20 м/с.