Қазақстандағы жаппай жарықтың сөнуіне Өзбекстандағы ЖЭС-те болған апат әсер еткен

Қазақстандағы электр қуатына жауапты компания - KEGOC Қазақстан, Өзбекстан және Қырғызстанға әсер еткен ауқымды электр қуатының сөніп қалу себебін атады. 25 қаңтардағы электр қуатының кенеттен үзілуі әсіресе Қазақстанның оңтүстік облыстарында, соның ішінде Алматы қаласында байқалған еді, деп хабарлайды Stan.kz ақпарат агенттігі.

Компанияның мәліметінше, 2022 жылы 25 қаңтарда сағат 11:59 шамасында Өзбекстандағы Сырдария ЖЭC-да қысқа тұйықталу салдарынан 6 энергоблок өшіп қалған. Өндірістегі жалпы шығын 1500 МВт-тан асқан.

"Өзбекстанның энергожүйесінде туындаған электр қуатының тапшылығы Өзбекстан мен Қырғызстанның энергетикалық жүйелерімен параллель жұмыс істеуге қосылған Қазақстанның электр жүйесінен қуатты рұқсатсыз сөндіруге әкелді. Нәтижесінде "Қазақстанның Солтүстік-Шығыс-Оңтүстігінде" шамадан тыс жүктелуімен электр қуатының 500 кВ транзиттік өсуі байқалды", - деді компания.

Энергетикалық жабдықтардың зақымдануына жол бермеу және еліміздің оңтүстік облыстарын толық өтеу мақсатында Алматы, Жамбыл, Түркістан және Қызылорда облыстарын оқшауланған жұмыстарға ауыстыра отырып, автоматты қондырғылардың жұмысы транзитке бөлінген.

• Қазақстанның оңтүстігіндегі электр қуатының сөну себептерін анықтау үшін арнайы комиссия құрылды


• Қазақстан суармалы су көлемін алу үшін Қырғызстанға электр қуатын бөледі


• Қазақстанда электр желілеріне заңсыз қосылған майнерлер анықталды

Қазақстанның оңтүстік облыстарындағы барлық электр станциялары тұтынушыларды электр және жылу энергиясымен қамтамасыз етуді тоқтатпай, жұмысын жалғастырған.

"Осылайша Қазақстанның оңтүстігіндегі барлық электр станциялары жұмыс істеп, басқа өңірдегі жарықтың сөнуінің алды алынды. "Қазақстанның Солтүстік-Шығыс-Оңтүстігі" 500 кВ транзит арқылы электр қуатын берудің болмауына байланысты мәжбүрлі шектеулер шамамен 1800 МВт құрады. Бұл уақытта Өзбекстан мен Қырғызстанның энергетикалық жүйелері толығымен істен шығып, барлық электр станциялары мен тұтынушылардың жұмысын тоқтатты. Өзбекстанның энергетикалық жүйесінде ажыратылған жүктеме шамамен 9600 МВт (тұтынудың 100%), Қырғызстанда шамамен 2600 МВт-қа жетті (тұтынудың 100%)", - делінген KEGOC мәлімдемесінде.

Қалпына келтіру жұмыстары аясында Қазақстанның ЕЭС-ы Қырғызстан мен Өзбекстанның энергетикалық жүйелеріне осы елдердегі электр станцияларына тоқ беру арқылы көмек көрсетті және бұл олардың жұмыстарын қалпына келтіруге мүмкіндік берген.

Сондай-ақ "KEGOC" компаниясы электр қуатының жаппай сөнуіне майнинг кәсібінің қатысы бар деген ақпаратты жоққа шығарғанын айта кетейік.

Еске салайық, 25 қаңтар күні Алматы қаласы мен бірқатар облыстарда жарық сөнгені хабарланған.