Қазақстандағы курьерлер енді арнайы салық режимін қолдана алады

1 сәуірден бастап Қазақстанда курьерлер Е-salyq Business мобильдік қосымшасын пайдалана отырып, арнайы салық режиміне (АСР) ауыса алады деп хабарлайды Stan.kz ақпарат агенттігі.

Бұл туралы мемлекеттік кірістер комитетінің баспасөз қызметі мәлімдеді.

"Салық кодексінің 686-2-бабында поштамен жеткізу жөніндегі қызметтерді қоспағанда, арнайы мобильді қосымшаны пайдалана отырып, СНР қолдану кезіндегі қызмет түрлері курьерлік жеткізумен толықтырылды", – делінген хабарламада.

• "Оларға айыппұл да сала алмаймыз": Алматы қаласының әкімі курьерлер қозғалысы туралы айтты

АСР пайдалану кезінде қосымша құн салығын төлеудің қажеті жоқ. Оның орнына салық төлеушілер жеке тұлғаларға қызмет көрсету кезінде бөлшек салықты 4% мөлшерлемемен аударады.

Осыған дейін 2023 жылдан бастап курьерлер мен такси жүргізушілері әлеуметтік төлеммен қамтылатыны хабарланды. Сондай-ақ, Алматыда әр курьерге жеке нөмір беріліп, бірыңғай базаға тіркеледі.